25 октября. Мучеников Прова, Тараха и Андроника


Тропарь дня, глас 1: Спаси, Господи, люди Твоя / и благослови достояние Твое, / победы православным христианом / на сопротивныя даруя / и Твое сохраняя // Крестом твоим жительство.

Тропарь храма, глас 4: Яко необоримую стену и источник чудес / стяжавше Тя раби Твои, Богородице Пречистая, / сопротивных ополчения низлагаем. / Темже молим Тя: мир граду Твоему даруй // и душам нашим велию милость.

Тропарь мучеников, глас 5: Святых мученик исправлением / Небесныя силы преудивишася, / яко в теле смертнем, / безтелеснаго врага силою Креста, / подвизавшеся добре, победиша невидимо. / И молятся Господу // помиловатися душам нашим.

Тропарь преподобнаго, глас 8: Православия наставниче, благочестия учителю и чистоты, / вселенныя светильниче, архиереев Богодухновенное удобрение, Космо премудре, / ученьми твоими вся просветил еси, цевнице духовная, // моли Христа Бога спастися душам нашим.

Кондак дня, глас 4: Вознесыйся на Крест волею, / тезоименитому твоему новому жительству / щедроты Твоя даруй, Христе Боже, / возвесели нас силою Твоею, / победы дая нам на сопостаты,/ пособие имущим Твое оружие мира, // непобедимую победу.

Кондак мучеников, глас 2: Троицы нам славу явиша, / доблии Христовы оружницы и мученицы, / с Тарахом Пров же и Андроник: / обличиша бо все мучителей безбожие, // верою доблественне страдальчествовавше.

Кондак преподобнаго, глас 8: Украшен добродетельми, Космо Богодухновенне, / Церкве Христовы украшение был еси: / песньми бо украсил еси сию, блаженне. / Но молися ко Господу избавитися нам от всяких козней ратника, тебе зовущим: // радуйся, отче требогате.

Слава, глас 6: Со святыми упокой, / Христе, души раб Твоих, / идеже несть болезнь, ни печаль, ни воздыхание, // но жизнь безконечная.

И ныне, кондак храма, глас 4: Честнаго образа Твоего знамение празднующе / людие Твои, Богородительнице, / имже дивную победу на сопротивныя граду Твоему даровала еси. / Темже Тебе верою взываем: // радуйся, Дево, христиан Похвало.

Прокимен, глас 3, Песнь Богородицы: Величит душа моя, Господа, / и возрадовася дух мой о Бозе Спасе моем.

Прокимен, глас 4: Святым, иже суть на земли Его, / удиви Господь вся хотения Своя в них.

Причастен: Чашу спасения прииму и имя Господне призову.

Радуйтеся праведнии о Господе, правым подобает похвала.


22 октября 2017, 17:45 Богослужебные тексты

Комментарии (0)