13 сентября. Положение честнаго пояса Пресвятыя Богородицы


Тропарь, глас 8

Богородице Приснодево, человеков покрóве, / ризу и пояс пречистаго Твоего телесé, / державное граду Твоему обложение даровала еси, / безсеменным рождеством Твоим нетленна пребывающи, / о Тебе бо и естество обновляется и время. / Темже молим Тя мир граду Твоему даровати // и душам нашим велию милость.

Кондак, глас 2

Благоприятное Твое чрево, Богородице, / объемший пояс Твой честный, / держава граду Твоему необорима, и сокровище есть, / благих неоскудно, // едина рождшая Приснодево.

Ин кондак, глас 4

Честная пояса Твоего / положением празднуется днесь, Твой, Препéтая, храм, / и прилежно взывает Ти: / радуйся, Дево, // христиан похвало.

Прокимен на Литургии, глас 3

Величит душа моя Господа, / и возрадовася дух мой о Бозе Спасе моем.

Причастен

Чашу спасения прииму, / и Имя Господне призову.


11 сентября 2017, 15:22 Богослужебные тексты

Комментарии (0)